Formoso e Besteiro anuncian en Navantia-Ferrol o inicio do corte de chapa da segunda F-110

O presidente da Deputación da Coruña, Valentín González Formoso, o deputado e presidente da Comisión de Transportes do Congreso, José Ramón Gómez Besteiro, e a deputada de Emprego, Rosa Ana García, visitaron o estaleiro de Navantia en Ferrol.

Besteiro anunciou o inicio “a finais desta semana” do corte de chapa da segunda das cinco fragatas F-110 que se construirán en Ferrol e o inminente inicio das obras da nave dixital de bloques, tras a súa adxudicación.

Tras manter unha reunión cos responsables da factoría e visitar as distintas naves e dependencias do estaleiro, Besteiro anunciou que esta mesma semana comezará a adxudicación e posterior construción da fábrica dixital de Bloques, un importante investimento que forma parte do novo ecosistema dixital para a renovación dos centros de produción ao amparo da construción das fragatas contratadas pola Armada Española.

A nova infraestrutura suporá “un antes e un despois” para o estaleiro ferrolá, afirmou. Ademáis, anunciou tamén para esta semana o corte de chapa da segunda das cinco fragatas que compoñen o programa F-110 da Armada Española. Besteiro destacou que o contrato para a fabricación dos buques “contará cun investimento directo do Goberno de España de 4.320 millóns de euros e que xerará 9.000 empregos, como mínimo, ata o 2032”.

Formoso destacou o papel de Navantia como “gran tractor da industria e o emprego”, que xera 4.000 empregos directos, o 15% de todo o emprego industrial da provincia, e impulsa grandes avances tecnolóxicos que están entre os máis competitivos do sector en todo o mundo.

Lea también

Los trabajadores de Navantia en la ría de Ferrol aprueban movilizaciones para las tres próximas semanas

Los trabajadores de los dos astilleros de Navantia en la ría de Ferrol ha aprobado …