Galicia Ártabra Digital Noticias de Ferrol y la comarca de Ferrolterra.
O BNG de Narón a través dun comunicado expresa a súa postura e aclaracións con respecto ó pleno celebrado o xoves 26 de outubro. O BNG presentou unha segunda moción sobre a situación do transporte e a búsqueda de solucións
«A moción vén cos votos favorábeis de TeGa e PSOE e nela solicítase que a Xunta invista e que se mude o convenio do concello e Xunta para ter buses “lanzadeira” que comuniquen a cidade directamente cos polígonos de río do Pozo e as Lagoas “a mobilidade en Narón ten que ser un traballo de todos e todas e temos dous polígonos importantes que só podes acceder se tes coches; só podes ir traballar se tes coches»
«Isto ten que mudar e facerse de maneira efectiva para que a maioría da clase traballadora ou persoas que realizan cursos de formación en río do Pozo opten polo transporte público mais para iso ten que ser un servizo axeitado e non o que está acontecer cos servizos a escolares e doutro tipo concesionados con Monbús na nosa localidade , concesións que agora o mesmo Tribunal Supremo pon en dúbida”
O BNG vota a favor de todas as mocións presentadas no pleno e todas saen aprobadas. Agradecen desde o BNG «que a moción do 25 N que trata o tema da creación dun CIM fose aprobada por unanimidade»
O BNG de Narón ten un lema desde hai anos que indica “somos as do si” e “onte quedou demostrado de novo xa que votamos a favor de todas as mocións presentadas no pleno” indica a portavoz municipal , Olaia Ledo.
Ademais , consideran importante “o paso cara diante” de que saíse aprobada a moción co galo do 25N por unanimidade e a do transporte. «Unha inciativa comarcal esta última que en Narón presentábase coa particularidade de que piden “modificar o convenio do Concello e a Xunta para a posta en marcha de dúas liñas de buses directas ao polígono Río do Pozo e o das Lagoas “somos un concello industrial pero hoxe só podes traballar no polígono Río do Pozo se tes coche, posto que non hai outra maneira de chegar. A mobilidade é unha tarefa pendente en Narón e o transporte público ten que ser axeitado para a octava poboación deste país», declara Ledo
Se adxuntan as declaración de Olaia Ledo
Moción comedores escolares PSOE
O BNG vota a favor porque «os puntos presentados foron modificados na súa totalidade cunha emenda do propio BNG. Na emenda pídese de maneira primeira que sexa a Xunta quen se faga cargo do servizo de madrugadores , ben en solitario ou ben co convenio co concello». «No caso de que a Xunta non aceptase, o concello xestionaría cunha licitación onde nunca as familias terían que pedir de maneira individualizada o servizo se non de maneira directa concello e empresa prestadora do servizo. Se esta posibilidade non existise volveríamos ao inicio»
Modificado de crédito. Punto cuarto.
«Facilitamos o modificado de crédito porque consideramos moi positiva os fondos para abrir unha oficina de asesoramento de “comunidades enerxéticas”: “levamos reclamando tempo este servizo para Narón e que hoxe a nosa demanda estea reflexada e que así beneficie a persoas particulares, asociacións ou mesmo empresas dunha solución que abarata o prezo da enerxía mais que sobre todo é ecolóxica e non deixa pegada polo seu km cero. Hai moitas posibilidades na eólica e Narón ten que camiñar sempre neste sentido” indica Olaia Ledo, portavoz municipal do BNG.
Mocións orzamentos Xunta e Deputación
Con respecto ó oramentos da Xunta o BNG de Narón expresa “votamos a favor das propostas aos orzamentos da Xunta aínda que considermaos que faltaría incluír un novo colexio para Xuvia e un pavillón para este barrio. Parécenos unha vergoña que a Xunta destine cero euros dos seus orzamentos en Narón e xa estamos elaborando as emendas para que o grupo parlamentar do BNG teñan en conta as necesidades da nosa cidade” indica Ledo, portavoz municipal
Con respecto á Deputación o BNG de Narón expresa que “por fin temos un concello que se responsabiliza do que ten que pedir; cansas estamos de pedir na Deputación unha solución para os viais da Deputación no noso concello. Non entendemos como gobernando tantos anos o PSOE en coalición non foi quen de conseguir un mínimo. Nós así o temos solicitado na Deputación e seguiremos. Isto é un traballo no que todos e todas temos que poñernos de acordo”
