Galicia Ártabra Digital Noticias de Ferrol y la comarca de Ferrolterra.
O BNG de Narón reclama que as melloras que se están facendo no Camiño da Revolta, na parroquia de San Xiao, non rematen no acceso á escola infantil.
No Camiño da Revolta estase a realizar unha mellora de beirarrúas desde a estrada de Castela até o acceso á estrada que leva á escola infantil de Xuvia.
Unha parte de mellora moi pequena se se ten en conta a extensión do lugar.
Ós propietarios das beiras da estrada deste camiño fixéronselles as expropiacións pertinentes a finais dos anos 90 para as beirarrúas, ademáis da obriga de cada unha delas de ceder o espazo legal das súas fincas.
Desde aquela non se executaron as obras ata o de agora e “non entendemos que non se continúe con esta mellora ao longo da rúa nunha zona que hoxe soporta un tráfico de coches elevado e onde a veciñanza xa ten deixado ou lle foi expropiada a parte na que se debera ter as beirarrúas”, comenta Olaia Ledo, portavoz municipal do BNG de Narón
