O venres 16 remata o período de inscrición dos campamentos de verán do Pazo de Cultura de Narón

O prazo de inscrición nos Campamentos Culturais do Pazo da Cultura remata este venres 16, unha xornada na que se poderán anotar menores censados en Narón pero tamén noutros concellos.

A última hora deste xoves 15, rematadas as inscricións do día, quedaban vacantes un total de 25 prazas: dúas para nenos de 10 a 12 anos na quenda do 3 ao 14 de xullo e seis prazas, para menores desa mesma idade, na quenda do 17 ao 28 de xullo.

Así mesmo, hai vacantes para a quenda do 31 de xullo ao 11 de agosto, en concreto dúas para nenos de 3 a 5 anos; sete para os de 6 a 9 anos e oito para os de 10 a 12 anos. As persoas que se acheguen a realizar inscricións só poderán facelas de membros da súa unidade familiar.

Os Campamentos culturais de verán ofertaron un total de 225 prazas e desenvolveranse do 3 de xullo ao 11 de agosto, en tres quendas con grupos de menores de entre 3 e 12 anos.

O prezo por quincena é de 50 euros e as inscricións deben tramitarse nas oficinas do Pazo da Cultura, rúa Holanda s/n en horario de 9.00 a 13.00 horas