Continúa en Narón o ciclo de conferencias «A saúde mental é cousa de todos e todas»

O ciclo de conferencias “A saúde mental é cousa de todos e todas” continuará este sábado, día 25 de febreiro, ás 11.00 horas, no salón de actos do Centro Comunitario Manuela Pérez Sequeiros.

O licenciado en INEF, fisioterapeuta e director da clínica MASSALUD, Camilo Rivas, e o licenciado en CAFYDE e especialista en actividade física terapéutica, Jorge Cabana, serán os encargados da charla “Inflúe o que me movo na miña saúde mental?”

O Concello de Narón organizou este programa de Prevención da depresión e mellora da saúde mental, no que se enmarca esta convocatoria e na que, cada mes, se programan outras, abertas á participación da cidadanía en xeral, e que rematarán no mes de xuño.

As persoas que teñan algún tipo de doenza relacionada coa saúde mental e queiran participar como voluntarias poderán facelo a través do programa para compartir a súa experiencia participando en varios encontros para recoller información e compartila. Os interesados poden remitir un correo electrónico á dirección: info@paula-paz.com