Axenda en Narón do 22 ó 25 de febreiro de 2023

Mércores 22 de febreiro de 2023

Actividade: Ciclo de Cine “Elas” Hora: 20.00 Lugar: Pazo da Cultura

O ciclo de cine “Elas”, organizado polo Padroado da Cultura e o Cineclube Serie B remata coa proxección da película “Las niñas”, de Pilar Palomero. A entrada é de balde.

Xoves 23 de febreiro de 2023

Actividade: Obradoiro de Chapas de Rosalía de Castro Hora: 18.00 Lugar: Centro Cívico Social do Alto do Castiñeiro

O Concello organiza esta actividade a través do Servizo de Normalización Lingüística para conmemorar o Día de Rosalía. Diríxese a menores de 3 a 6 anos que deben inscribirse previamente no correo: a.pita@naron.es . Osbmenores realizarán chapas da autora tras coñecer parte da súa vida e obra. 

Venres 24 de febreiro de 2023

Actividade: Teatro: “Adictos” Hora: 20.30 Lugar: Pazo da Cultura

As actrices Lola Herrera, Lola Baldrich e Ana Labordeta protagonizan esta obra de teatro, na que se aborda o tema da tecnoloxía e a súa influencia nas persoas. A través do texto reivindícase a capacidade de reacción do ser humano. As entradas teñen un prezo de 18 euros para o público xeral e de 12,60 para abonados, desempregados e persoas con carné xove e de estudante (ata 25 anos).

Sábado 25 de febreiro de 2023

Actividade: Lectura pública da obra de Rosalía de Castro Hora: 12.00 Lugar: Biblioteca municipal

A Biblioteca acollerá este acto, secundando a proposta da Asociación de Escritoras e Escritores en Lingua Galega para homenaxear á poetisa galega Rosalía de Castro no aniversario do seu nacemento, un 23 de febreiro de 1837. A Muller do Ano de Narón no ano 2020, Julia Rodríguez, será a encargada de ler o manifesto do Día de Rosalía. Na lectura dos textos participarán a alcaldesa, Marián Ferreiro, a concelleira de Cultura, Olga Ameneiro, e cidadanía en xeral.

Actividade: Conferencia do programa de Prevención da depresión e mellora da saúde mental Hora: 17.00 Lugar: Centro Comunitario Manuela Pérez Sequeiros

O licenciado en INEF Camilo Rivas e o licenciado en CAFYDE Jorge Cabana participaran na segunda conferencia deste programa municipal, no que abordarán o tema: “Inflúe o que me movo na miña saúde mental?”. A entrada é libre ata completar o aforo.

Actividade: Teatro: “Adictos” Hora: 20.00 Lugar: Pazo da Cultura