Galicia Ártabra Digital Noticias de Ferrol y la comarca de Ferrolterra.
Un total de 256 persoas participaron o pasado ano no proxecto de dinamización da Casa da Mocidade “Casa Aberta” en Narón
Menores de 12 a 16 anos implicáronse nesta iniciativa de socialización en torno ó xogo que deu comezo o 18 de novembro e rematou o 29 de decembro, os venres e sábados en horario de tarde
Obradoiros de debuxo, pintura, impresión 3D, reciclaxe textil, danza urbana, escape room, videofórum, tenis de mesa, zonas de xogos de mesa e de lectura xuvenil, futbolín e diana comunitaria foron algunhas das propostas que se levaron a cabo durante este programa, impulsado a través da Concellería de Mocidade, que dirixe o edil Pablo Mauriz.
“Dende o Concello tratamos de dar resposta ás demandas que nos plantexou o colectivo de rapaces en espazos de participación e tamén de poñer en marcha unha oferta de ocio específica para eles co fin de fomentar a adquisición de habelencias, recursos persoais, fomentar as relacións entre iguais…” explicou Mauriz.
O edil naronés asegurou que “estamos moi satisfeitos coa boa acollida deste proxecto de dinamización municipal que se levou a cabo na Casa da Mocidade, un espazo pensado para os rapaces de Narón e que ofrece moitas outras propostas ó longo do ano”.
