Concentración ante o Concello de Narón en repulsa do asasinato dunha muller en Lugo

O Concello de Narón convocou este xoves, día 1 de decembro, unha concentración ante a porta principal para condenar o asasinato, na xornada do pasado domingo, dunha muller de 42 anos, Cristina Cabo Buján, en Lugo, a mans dun home de 30 anos, xa detido e que confesou ser o autor das coiteladas que acabaron coa vida da vítima deste crime.

O alcalde accidental, Manuel Ramos, e outros representantes da corporación local, así como persoal do Concello, participaron na convocatoria para amosar a súa total repulsa á violencia de xénero. Os asistentes gardaron un minuto de silencio, tras unha pancarta co lema: “Contra a violencia de xénero”

Ramos agradeceu a participación das persoas que se sumaron á convocatoria e incidiu na importancia de “erradicar esta lacra social”.