Homenaxe en Narón ós músicos do mundo en conmemoración a súa patroa, Santa Icía

A concelleira de Ensino e Bibliotecas, Mercedes Taibo, anunciou que o vindeiro sábado, día 19 de novembro, a biblioteca municipal acollerá unha homenaxe adiantada ós músicos do mundo con motivo da conmemoración da súa patroa, Santa Icía.

A Orquestra de Camarote, ofrecerá nas instalacións da biblioteca ás 11.00 horas un espectáculo musical con personaxes moi especiais e música de moitos e moi variados estilos. Con eles faremos unha viaxe musical por distintas partes do mundo, recordou Taibo.

Para participar na actividade os nenos deberán ter os cinco anos cumpridos e o carné da rede de bibliotecas. As persoas interesadas deberán reservar praza de maneira presencial ou chamando ó teléfono da biblioteca 981382173 en horario de apertura.