Galicia Ártabra Digital Noticias de Ferrol y la comarca de Ferrolterra.
A concelleira de Bibliotecas, Mercedes Taibo, anunciou este luns, día 5 de setembro, a apertura do prazo de matrícula para inscribirse no curso 2022-2023 da Ludoteca municipal da Solaina.
As citadas instalacións ofrecen os seus servizos de conciliación a familias con menores de 2 a 12 anos e terán prioridade ós usuarios que se inscriban a tempo completo na opción elixida das tres dispoñibles.
Taibo indicou que se ofertan un total de 55 prazas, das que 20 son para menores de 3 a 6 anos, outras tantas para os de 7 a 12 e as quince restantes para os de 2 anos. Os xogos, os xoguetes e os libros son os elementos cos que ao longo do curso se traballará a socialización coas rapazas e rapaces. Taibo explicou que se poden anotar no propio centro de 19.00 a 20.00 horas, atención ó público, nas quendas establecidas: os luns, mércores e venres de 16.00 a 19.00 horas; os martes e xoves de 16.00 a 19.00 ou os luns e martes de 18.00 a 19.00 horas.
As persoas que desexen máis información poden desprazarse ao centro, ubicado no número 2 da rúa Cardenal Cisneros, na Solaina, de luns a venres entre as 13.00 e as 14.00 horas, e a partir do día 8 deste mes de 19.00 a 20.00 horas.
Tamén se pode escribir un correo electrónico á dirección: ludoteca@naron.es, chamar ó número de teléfono 981 389 284 ou consultar o Facebook da Ludoteca municipal de Narón.
