Axenda cultural e de lecer en Narón nos vindeiros días

Xoves 28 de xullo de 2022

Actividade: “Cine de Verán” Hora: 22.30 Lugar: Inmediacións do Centro Cívico Social de San Xiao

O Padroado da Cultura de Narón organiza este ciclo coa Deputación da Coruña. Nesta xornada proxectarase a película “Donkey Xote”. A entrada é de balde

Venres 29 de xullo de 2022

Actividade: “Cine de Verán” Hora: 22.30 Lugar: Inmediacións do Centro Cívico Social de San Mateo

O Padroado da Cultura de Narón organiza este ciclo coa Deputación da Coruña. Nesta xornada proxectarase a película “A Galiña Turuleca”. A entrada é de balde.

Sábado 30 de xullo de 2022

Actividade: “22º Oenach Atlántico de Sedes” Hora: de 11.00 a 00.00 horas Lugar: Campa do Trece (Sedes)

O Padroado da Cultura organiza coa AVV Rosa dos Ventos, de Sedes, unha nova edición do Oenach Atlántico, declarado Festa de Interese Turístico de Galicia. A programación, contempla a recreación da vida comunitaria da época nun castro e inclúe xogos populares, un concerto de Xosé Manuel Budiño ás 13.00 horas, e degustacións gastronómicas (bolas de sartén, carne ó caldeiro, bolos preñados). Ás 17.00 horas poderase ver o espectáculo “Asdomare”, de Rilo & Penadique. Pola noite representarase a obra “O paxaro de Eiravedra”, ás 22.30 horas, a cargo do Grupo

Domingo 31 de xullo de 2022

Actividade: “Festa de exaltación da ameixa” Hora: dende as 11.30 Lugar: pista polideportiva de San Mateo e inmediacións

O Concello e a Agrupación Veciñal de San Mateo organizan esta festa gastronómica, que comezará cunha mostra de traballos da veciñanza ás 11.30 horas na antiga unitaria de San Mateo. O menú comezará a servirse ás 13.00 horas. Haberá música en vivo e inchables.

Actividade: “Trishark Narón 2022” Hora: A partir das 17.50 Lugar: paseo marítimo de Xuvia

Uns 400 deportistas de diferentes clubs estatais participarán neste evento, organizado polo Concello e a Agrupación Deportiva Náutico de Narón.