Galicia Ártabra Noticias de Ferrol y la comarca de Ferrolterra.
O edil de Promoción Económica, David Pita, anunciou a ampliación do prazo de inscrición nun curso de “Experto Profesional en Comercialización de Produtos de Pesca e Acuicultura”, enmarcado no proxecto “Narón emprende en azul”.
Trátase dunha proposta impulsada en colaboración co Fondo Europeo Marítimo e de Pesca (FEMP) e a Consellería do Mar da Xunta de Galicia a través do Grupo de Acción Local do Sector Pesqueiro Golfo Ártabro Norte e que tamén conta co respaldo da UNED.
As persoas que queiran anotarse poden aínda facelo dende este martes día 8 ata este mércores día 9 de febreiro, ás 23.59 horas a través da Sede Electrónica do Concello ou o Rexistro municipal, tal e como avanzou Pita.
O alumnado que remate esta acción formativa obterá un diploma de “Experto Profesional en Comercialización de Produtos de Pesca e Acuicultura”.
Os módulos abordarán temas como o funcionamento da cadea pesqueira, a seguridade alimentaria, a trazabilidade e o etiquetado, a sostibilidade, marketing e comunicación e tamén, entre outros, aspectos fiscais ou laborais, tal e como indicaron dende a organización.
En total impartiranse 400 horas ata o vindeiro mes de xuño, podendo obter 16 créditos e quince persoas que cumpran os requisitos estipulados poden solicitar o 100% da bolsa para realizalo. O curso diríxese a profesionais do sector da pesca e comercialización e tamén a todas aquelas persoas que desexen encamiñar a súa actividade profesional cara a este sector.
Para máis información sobre este curso pódese contactar co Concello, chamando ó número de teléfono 981 337 700 (extensión 1204)
