Ramón Fernández “Mon” (BNG) afirma que é preciso avanzar no Complexo Integral da Construción Naval e na creación dun Centro Tecnolóxico

O candidato pola comarca na candidatura do BNG da Coruña, Ramón Fernández Alfonzo, «Món«, afirmou este martes desde o muelle de Perlío en Fene, que non hai outro sector industrial que poida garantir os volumes de emprego, diversificación, de capacidade exportadora, así como de nível tecnolóxico, como o poida facer o sector naval.

Na súa intervención fixo fincapé na potencialidade das infraestruturas de Navantia Ferrol-Fene, onde con 1.800.000m2 e con 6.400 m de peiraos de propiedade pública, fixeron que no seu dia deran traballo a 15.000 persoas. “Estas son as dimensións da potencialidade da construción naval na comarca de Ferrol, mais ainda así o futuro pinta negro” –afirmou.

Alfonzo sinalou que, sen querer facer comparacións, nen co ánimo de desprezar a eólica mariña, ou calquer outra carga de traballo que veña para os estaleiros. É preciso dicir que ocupación en Navantia-Fene a semana pasada na eólica mariña,  non chegaba ás 500 persoas, mentres que, a ocupación nun dos barcos que había en Navantia-Ferrol estaba en 600 (BPEs australliano), e eso sendo xa nas últimas fases de construción e mesmo coas restricíons e limitacións de aforos impostos pola COVID19.

È preciso tamén reivindicar a importancia da fábrica de Turbinas de Navantia, unha división con moita experiencia na construción e mantemento de turbinas para a xeración de enrxías renovábeis. É pois, o momento de facer unha aposta estratéxica e decidida por esta division desde a perspectiva da innovación.

O candidato rematou dicindo que hai momentos en que debemos preguntarnos se imos polo bo camiño, é preciso parar para reflexionar e mirar se nesta comarca estamos por reorientar a brúxula ou continuar no mesmo camiño. Pois ben, esa resposta debe ir dacordo co que fagamos o vindeiro 12 de xullo. “Non podemos deixarnos enganar nin permitir que nos rouben o noso futuro”, dixo.