Un total de 580 nenos recibirán as axudas do Concello pola campaña “Agasallos Nadal 2019”

A partir de mañá, mércores, poden retirarse no Edificio Social as axudas concedidas polo Concello de Ferrol a través da campaña “Agasallos Nadal 2019” a un total de 580 nenos. A concelleira de Benestar Social, Eva Martínez, informou de que os vales, de 50 euros por pequeno, poden recollerse en horario de atención ao público, de 9 a 14 horas.

Trátase dunha iniciativa municipal cuxa finalidade é que os menores de ata 16 anos das familias máis desfavorecidas do municipio teñan un agasallo polo Nadal e así contribuír a fomentar a igualdade dos nenos e nenas pertencentes a familias que, nestes momentos, teñen unha precaria situación económica.