Galicia Ártabra Digital Noticias de Ferrol y la comarca de Ferrolterra.
O Concello de Ferrol, a través da concellería de Muller e Igualdade, que dirixe Cristina Prados, amplía o prazo de inscrición ata o próximo venres para os dous obradoiros de autocoidados e xestión de emocións na Casa da Muller, que desenvolveranse durante os meses de outubro e novembro.
Están dirixidos ao colectivo de mulleres con especial vulnerabilidade e necesidades específicas, como víctimas de violencia de xénero e as súas fillas, coidadoras de persoas dependentes, enfermas crónicas sen apoio familiar e mulleres maiores o en risco de exclusión social. Os obradoiros, que constan de catro módulos, ten como principal obxectivo “apoiar a estas mulleres e dotalas de ferramentas para mellorar a súa vida e a súa autonomía”, explican desde a concellería.
Entre outros asuntos, os obradoiros tratarán asuntos como os hábitos saudables e nutrición, a prevención de enfermidades crónicas, o manexo da medicación, a tensión, a culpabilidade, a recuperación da autoestima, recursos fronte á violencia de xénero, a xestión das emocións e a meditación.
O primeiro será en horario de mañá, de 10.30 a 12.30 horas os días 28 e 30 de outubro e 13 e 15 de novembro. O segundo, pola tarde, será de 17 a 19 horas os días 21 e 23 de outubro e 20 e 22 de novembro.
