O concelleiro de Urbanismo inspeccionou as obras de reparación de varias rúas

O concelleiro de Urbanismo, Julián Reina, inspeccionou esta mañá, acompañado por técnicos municipais, varias obras que se están a acometer en rúas de Ultramar e A Malata. En Enxeñeiro Comerma, a empresa responsable da canalización de gas cidade comezou a reparar o firme, que cedeu nunha franxa de varios metros no lugar por onde pasan as tubaxes.

Reina explicou que o seu departamento demandoulle á firma que, en cumprimento das condicións da licenza de obra para a canalización, amañase as fochas que se produciron tempo despois do remate daqueles traballos.