Esprinte en meta e medalla de chocolate para Miriam Casillas na Copa do Mundo de Tiszaujvaros

Miriam Casillas conseguiu un excelente cuarto posto na Copa do Mundo de Tiszaujvaros aínda que con sabor amargo, por entrar ao esprinte coa segunda e a terceira e quedar ela fóra do podio.

A internacional do Triatlón Ferrol marcou o mellor parcial a pé cun tempo de 17 minutos 10 segundos nos 5 km definitivos pero tivo que conformarse coa medalla de chocolate.

Todo despois dunha semifinal atípica xa que a tormenta obrigou a reducir a distancia á metade. Nela, Miriam Casillas rematou sexta, xusto por detrás de Perkins e Vilic, as súas rivais de esprinte na final do domingo.