Pablo Pedrosa adxudícase en Lugo unha praza para o campionato galego

Pablo Pedrosa finalizou como 22º da xeral no Tríatlon do Miño, co que se fixo cun billete para o campionato galego.
Despois dun gran esforzo no ciclismo, puido entrar como o segundo mellor en categoría sub-23, por detrás do internacional do Triatlón Arteixo Sebastián Rivera.

Pola súa banda, Jose Ferraces colgouse o bronce na categoría de veteranos –como 50º da xeral-, mentres que Juanchi González tivo que abandonar.

A participación ferrolá completárona Marcos Caneiro -65º-, Luis Rilo -68º-, Pablo Sanjurjo -72º-, Borja Catrufo -73º-, Ricardo Fernández -77º-, Manu Pita -82º- e José María Eiroa -93º-.

A maiores, a infantil Lucía Piñón gañou a proba popular cunha ampla vantaxe.