O camiño olímpico de Miriam Casillas continúa na Copa do Mundo de Mooloolaba

Miriam Casillas competirá novamente esta fin de semana e farao na Copa do Mundo de Mooloolaba, na que foi sétima en 2016, en plena clasificación para os Xogos de Río.

De novo co obxectivo de ser olímpica, a internacional do Triatlón Ferrol vai verse as caras con contrincantes do nivel da local Aishleigh Gentle, top-10 nas Series Mundiais de Abu Dhabi.

Os puntos que poda conseguir Casillas co seu resultado en Australia valeranlle para manterse como a primeira española do ranking de clasificación olímpica, sendo actualmente a 31ª a nivel mundial.

A Copa do Mundo de Mooloolaba celebrarase en modalidade esprinte de 750 metros de natación, 20 km de ciclismo e 5 km de carreira desde as 13.00 horas deste sábado -22.00 horas do venres en horario peninsular español-.