Galicia Ártabra Digital Noticias de Ferrol y la comarca de Ferrolterra.
O Concello de Cabanas, a través da Concellería de Servizos Sociais, organiza este venres, 24 de novembro, un Obradoiro de Ioga en Familia. A acción forma parte do programa municipal “Tempo de Familias: Compartindo Experiencias”, e vai dirixida ás nais, pais, avoas, avós, persoas coidadoras en xeral e nenos e nenas. Desenvolverase en horario de tarde na antigua casa consistorial.
A entrada é gratuíta e libre, aínda que se require de inscrición previa. Para isto, cómpre chamar ó teléfono 981 49 59 59 extensión 6 ou no correo servizos.sociais@cabanas.gal. Así, establécense dúas quendas: de 16,30 a 17,30 horas para as familias con nenos e nenas de entre 3 e 6 anos e de 17,30 a 18,30 horas para aqueles e aquelas de 6 a 12.
