Ferrol pon os pasos de peóns contra a violencia de xénero

Os operarios empezando co pintado – Concello de Ferrol

A primeira hora desta mañá, a cuadrilla municipal de Obras, nunha acción coordinada e transversal desde a Concellería de Benestar Social, iniciaba o pintado das frases contra a violencia de xénero nos pasos de peóns do noso municipio co ánimo de feminizar espazos públicos, chamar a atención dos veciños desde as propias rúas coa vontade de sensibilizar e crear conciencia contra a violencia machista, unha lacra eterna e silenciosa que segue a cobrarse vidas de mulleres (e nenos) nun goteo insoportable, infame e intolerable como sociedade.

O primeiro paso seleccionado para iniciar este proxecto foi na Praza de Galicia, ao pé do Teatro Jofre, fronte o edificio de Correos. O segundo, na intersección da rúa Galiano coa Praza de Armas. «Consiste en feminizar as obras e espazos peonís da cidade con frases de autoras feminista e da campaña Ferrol en Negro contra a violencia machista«, manifestou a concelleira, Saínza Ruiz, «para concienciar a sociedade, en particular a nosa cidade, da loita contra o machismo«.

En total, son 19 frases -recopiladas na Marcha Sufraxista, na Marcha Mundial das Mulleres e no marco da campaña Ferrol en Negro- para ‘feminizar’ 56 pasos de peóns propostos e seleccionados pola súa visibilidade, localización e o tránsito diario, pensando en acadar o maior número de impactos visuais particularmente entre a xentes moza.

De feito, entre os pasos de peóns que lucirán un novo aspecto, están os situados os próximos aos colexios de Educación Infantil e Primaria (CEIPS), así como os centros de Secundaria (IES), os mercados municipais, prazas, acceso a Universidade (Esteiro e Serantes), porta de Navantia, e comedores sénior do Concello.

Esta iniciativa, que xa fora presentada na praza de Armas o 29 de setembro, por parte dos concelleiros de Obras e Benestar Social, xunto cos representantes do resto de grupos do arco municipal, obtivo o apoio unánime no pleno municipal.

Os traballos, que comezaron esta mañá, rematarán previsiblemente antes do 25 de novembro, Día Internacional contra a Violencia de Xénero. A concelleira de Benestar Social, Muller, Igualdade e Mocidade, participará a semana vindeira en Bruxelas nunha presentación colectiva da campaña En negro contra as violencias, xunto con outros concellos galegos, convidados polo Parlamento europeo.

Lea también

3854 ferrolanos solicitaron al Concello información o resolver incidencias

El concejal de Participación de Ferrol, Javier Díaz, ha dado cuenta en la comisión del …

2 comentarios

  1. Los pasos de cebra ni se ven por falta de pintura…..:..y. Pintan bastos para ue leamos……si lo que tenemos que hacer es mirar para no caernos en los baches y las losas semilevantadas,¿Por qué no pintan el diario del dia en. El suelo? Hace falta ser bien inútiles y fatuos!

  2. De acuerdo con Juán Velasco… Da igual que en la zona rural se coman las carreteras las hierbas y maleza, los baches y adoquines que nos revientan los coches y pasos de peatones y señales que no se ven…. El caso es ser progres… Arreglen las calles q para pintar murales y la mona ya está Basterrechea….
    Si usaran nuestro dinero en lo que lo tienen que usar…