Galicia Ártabra Digital Noticias de Ferrol y la comarca de Ferrolterra.
Catro das internacionais do Triatlón Ferrol tomarán a saída na Copa do Mundo de Huelva deste domingo. Camila e Melina Alonso, Inés Santiago e Ana Carvajal aspiran a escalar posicións na clasificación mundial.
A mellor posicionada é unha Camila Alonso, 78ª, con ganas de resarcirse da discreta natación que puido facer no Mundial sub-23. Como ela, Inés Santiago chega á proba recuperándose do cansazo da cita de Rotterdam e, como sub-23 de primeiro ano, disputando aínda o seu terceiro tríatlon de distancia olímpica. Pola súa banda, Melina Alonso regresa á palestra internacional despois do top-5 logrado na Copa de Europa de Altafulla do mes de xullo. E a máis nova, a junior Ana Carvajal, despois de colgarse o bronce absoluto no campionato andaluz da pasada fin de semana, afronta con ilusión a que será a súa primeira Copa do Mundo.
A saída feminina da Copa do Mundo de Huelva terá lugar este sábado ás 9:00 horas nun percorrido de 1.500 metros de natación en dúas voltas, 20,5 km de ciclismo e 5 km finais de carreira a pé.
