O BNG sinala que a política de festas entre o PP e FeC é equiparable

O PP iniciou unha viaxe no tempo ao longo do anterior mandato cara o s. XX na súa programación para as festas da Cidade do que este goberno non quere saír como se vivisen nunha especie de bucle temporal.

Se cando goberna o PP os espectáculos que se achegan á Cidade son os mesmos que cando goberna FeC sexa co PSOE ou en solitario.

Absorvidos polo burato negro dos anos 80 no que semella que fican acorados tanto o actual goberno como o PP, e do temos exemplos evidentes como Rosario neste 2017 que en 2012 xa actuou en Ferrol ou Loquillo cabeza de cartaz nas festas de 2016 pero que o PP xa trouxera en 2013.

Se os problemas administrativos e de contratación das infraestruturas como os palcos para uns eventos como son as festas de verán son similares cando goberna o PP e cando goberna FeC.

Xa que a pesar de desenvolverse todos os anos e nas mesmas datas o PP decidiu facer estes contratos pola vía de urxencia con todos os problemas que eso supuxo e este goberno decidiu instalar as infraestruturas sen ter formalizado eses contratos e convocou unha xunta de goberno tamén urxente.

Quizais sexa porque as diferenzas entre a política nesta área do PP e a do actual goberno é equiparable.

Para o BNG estas prácticas evidencian que tanto no fondo como nas formas as similitudes no desenvolvemento destes eventos entre o anterior mandato e este son moitas.

E xa que no esencial non hai vontade política por mudar a orientación duns actos que deberían ser o espello da capacidade cultural e de produción de artistas galegas e galegos do s.XXI e non o reflexo esvaecido de artistas do s. XX que semellan máis unha lembranza dos anos mozos dos gobernantes actuais e do mandato anterior,» desde o BNG solicitamos a este goberno que cando menos corrixa as formas e resolva os problemas adimnistrativos e de contratación das infraestruturas necesarias para o desenvolvimento destas festas. Porque obviamente sabemos hoxe 23 de agosto de 2017 a data en que se desenvolverán as festas de verán de 2018 como xa sabiamos en 2016 as datas en que se celebrarían as festas de verán de 2017 e que se sigan contratando polo vía da urxencia como no mandato do PP supón reproducir as mesmas prácticas sen que se de ademais ningunha explicación e sen que exista unha causa que o xustifique».