Galicia Ártabra Digital Noticias de Ferrol y la comarca de Ferrolterra.
O equipo masculino do Triatlón Ferrol xógase este domingo a permanencia na Liga Nacional de Dúatlon de Segunda División.
Despois do bo papel feito nas primeiras xornadas, o club ferrolán atópase 20 puntos por riba do descenso que marca o quinto pola cola pero na cita definitiva de Avilés estarán en xogo un máximo de 100 puntos para o equipo con mellores duatletas.
Sendo sétimos, só as baixas de última hora poñen en risco manter a categoría. “Juan Rejas está descartado por lesión e Marcos Ruiz é dúbida polo de agora”, lamenta o adestrador do Triatlón Ferrol, Jaime Ruiz.
Desta forma, a actual convocatoria fórmana o propio Marcos Ruiz, Iván Puentes, Pablo Pedrosa, David García, Juanchi González, Marcos Caneiro e David Arias.
No campionato de España de dúatlon por clubs, cada deportista completará a nivel individual un dúatlon de distancia sprint e sumará o seu posto para a clasificación final do equipo.
