Esquerda Unida Ferrol chama a mobilización este venres

Este venres, 10 de marzo, Esquerda Unida estará mobilizándose e homenaxeando unha data fundamental para a clase traballadora. Unha data, día da clase obreira galega, que dignifica coma suxeitos de clase e que ensina coma nas condicións máis difíciles, nos últimos coletazos da ditadura franquista, os traballadores do asteleiro ferrolán pelexaron e reinvidicaron unha decencia nas súas condicións laborais, levando estas reivindicacións ata as últimas consecuencias.

A mobilización do 9 de marzo do 72, dentro do asteleiro, con toda a factoría concentrada fronte a dirección na que se reclamaba o reingreso das cabezas sindicais despedidas nos anteriores días de mobilizacións e a manifestación que tivo lugar en Ferrol o día 10, onde miles de persoas foron atacadas pola policía co resultado do asasinato de 2 obreiros coma Amador e Daniel e con decenas de feridos, son exemplo de dignidade, de loita nuns momentos coma os actuais que levan a ver unha clara regresión dos dereitos máis elementais da clase traballadora, así coma unha regresión dos valores democráticos e das liberdades.

Según Esquerda Unida de Ferrol, a clase obreira necesita da mobilización para poder lograr o obxectivo dunha sociedade máis xusta e igualitaria, nun momento no que os movementos ideolóxicos máis conservadores están en auxe. A clase obreira debe estar unida na consecución dun presente e futuro máis xusto, pois sen unión a loita será en vano.

Esta semana apedrearon os cristais da sede de Esquerda Unida de Ferrrol, «mais non danan os nosos ideais e as nosas reivindicacións«.

Esquerda Unida Ferrol pide á cidadanía a participación na sentido homenaxe a esta data coma referente, coma loita de onte, hoxe e mañá na consecución dunha sociedade igualitaria.