Galicia Ártabra Digital Noticias de Ferrol y la comarca de Ferrolterra.
A Asociación Solidariedade Galega co Pobo Saharauí fai un chamamento de urxencia. Precísanse familias de acollida para os nenos e as nenas que pasan o verán en Galicia, no marco do programa Vacacións en paz. Actualmente hai uns cen nenos á espera de confirmar a súa viaxe a Galicia. Unha viaxe que lles permite abandonar temporalmente os campamentos de refuxiados e someterse a exames médicos inalcanzables en Tindouf.
André Abeledo anima as veciñas e veciños de Narón «a vivir esta experiencia inesquecible de acollida dun neno saharauí, é ademais un acto de solidariedade internacionalista para con un pobo que sufre un exilio forzoso no deserto alxerino, un pobo que loita polo seu dereito a vivir en liberdade, un pobo torturado e esquecido con quen o estado español ten unha débeda histórica«.
Abeledo denuncia que «Marrocos non esta a acatar as resolucións internacionais que recoñecen ao Sáhara o seu dereito a autodeterminación, e o fai con total impunidade e sin que esta desobediencia teña ningún tipo de consecuencia práctica«.
