Galicia Ártabra Digital Noticias de Ferrol y la comarca de Ferrolterra.
O alcalde de Narón, José Manuel Blanco, recibiu na mañá deste martes no salón de plenos a un grupo de vinte e catro alumnos e alumnas de quinto curso de educación Primaria do CEIP da Gándara. Os menores visitaron algunhas dependencias municipais e unha vez no salón de plenos formularon varias preguntas ao rexedor local sobre o seu día a día no traballo á fronte da Alcaldía, entre outros asuntos. Así mesmo, pudieron ver unha proxección sobre o funcionamento e algunhas das instalacións e dependencias municipais antes de regresar de novo aos seus centros escolares.
A iniciativa retómase este ano no marco das visitas que anualmente se programan desde o Servizo Sociocomunitario Municipal cos centros escolares da localidade. A vindeira sesión programada terá lugar o martes 21 de febreiro, xornada na que outros vinte e catro nenos e nenas de quinto de Primaria do CEIP da Gándara se desprazarán ao Concello, tamén ás 10.30 horas.
Así mesmo, tal e como indicaron desde o Servizo Sociocomunitario Municipal, ata o mes de maio están xa programadas outras visitas de alumnos e alumnas dos CEIP Ponte de Xuvia, A Solaina e Virxe do Mar, de quinto e sexto curso de educación Primaria e de educación Infantil, dependendo do centro. Según as previsións, visitarán o Consistorio nos vindeiros catro meses, antes do remate do presente curso escolar, uns douscentos escolares da localidade.
