O BNG responde a Rey Varela que o único pacto de conveniencia é o acordo entre Sestayo e o PP

Iván Rivas, portavoz municipal do BNG  afirmou na mañá deste martes en relación as declaracións feitas por parte de Rey Varela o lúns, que se o señor Rey Varela quere falar de pacto de conveniencia, debería explicar o que mantivo  coa Sra. Sestayo para aumentar as declaracións exclusivas ao PP.

O BNG considera que se Rey Varela e o PP de Ferrol queren falar de pacto de conveniencia, «deberían falar tamén da connivencia que mantiveron ao longo do seu mandato coa señora Díaz que se abstivo respecto dun convenio, como foi o convenio asinado con ACUAES para os interceptores xerais da marxe dereita da ría de Ferrol, un convenio que desde o BNG denunciamos desde un inicio e que estamos a ver as graves consecuencias económicas da súa sinatura».

Así mesmo para o BN,G Rey Varela debería explicar o pacto de conveniencia que practicou coa señora Sestayo para facer que o Partido Popular conte no momento actual con 5 dedicacións exclusivas na corporación ferrolá cando no seu mandato entregou 3 a toda a oposición, ou para explicar tamén porque o PP ten o maior nivel de representatividade nas comisións informativas que tivo nunca, senón é mais que por unha connivencia evidente con Ferrol en Común.  « Unha Connivencia que se desenvolve en todos os ámbitos, tanto para aprobar o Plan Especial de Ferrol Vello, antes considerado especulativo polo goberno actual ou para seguir prorrogando un convenio absolutamente precario como o que se desenvolve co Consorcio de bombeiros, mentres estes traballadores seguen sen ser integrados na RPT municipal».

É por isto que o BNG considera que o Partido Popular non esta capacitado para arrogarse o papel de salvador de nada nesta Cidade.