O Padroado da Cultura acolle a obra de teatro infantil «Muuu… Las cosas de Celia»

A compañía Teloncillo actuará en dous pases mañá sábado 26, tras esgotarse o centenar de entradas dispoñibles para ver a función da obra de teatro para bebés Muuu… Las cosas de Celia, programada para as 18 horas no Café Teatro do Pazo. A vicepresidenta do Padroado da Cultura, Marián Ferreiro, anunciou que «debido á excelente acollida deste evento, e co fin de atender a elevada demanda, programouse un segundo pase, a partir das 19 horas». Ferreiro indicou que as cen entradas dispoñibles, limitadas polo aforo do espazo, poden adquirise a partir de hoxe na billeteira do Pazo da Cultura. O prezo é de 9,50 euros para os abonados e de 6,65 para desempregados, persoas con carné xove ou de estudante (ata 25 anos) e desempregados.

O espectáculo combinará o teatro coa música, o baile, os malabares e a maxia e está pensado para público infantil, a partir de seis meses. O ambiente que se creará no espazo habilitado como escenario recreará múltiples cores e sensacións cos que Ana Galego e Anxo Sánchez farán gozar ao público na media hora de duración desta obra.

Esta mesma peza teatral representarase a partir da vindeira semana nas escolas infantís municipais e na unidade de Infantil do colexio Santiago Apóstol, no marco da XXXIV Mostra de Teatro Infantil e Xuvenil, tamén organizada polo Padroado da Cultura de Narón.

Lea también

Narón habilita un plan especial de tráfico con motivo do Trishark 2024

O Concello de Narón  habilitou un plan especial de tráfico con motivo da celebración, o …