O BNG ferrolán pide «rigor» para continuar co procedimento da praza de Armas

O BNG ferrolán, a través do seu portavoz Iván Rivas, instou esta mañá ao goberno de Suárez a actuar con «rigor e seriedade para enfrontar a política do PP e en concreto con respecto do procedemento aberto para a reforma da praza de Armas co fin de desmontar o bloqueo esteblecido polo PP».

Rivas se remitiu ao informe elaborado pola asesoría xurídica da Deputación da Coruña, que considera a posibilidade de continuar co procedimento mais que este non se desenvolveu dando cumprimento a todos os trámites necesarios, polo que «desde o BNG solicitamos ao goberno que desenvolva unha orde do día onde se expliciten con detalle: os acordos a adoptar na convocatoria do xurado, que se acorde a admisión ou inadmisión das propostas, que se xustifique a notificación a todos os membros do xurado, que se lles remita a documentación e que se designe ao técnico escollido polos concursantes para formar parte deste xurado como pasos previos à convocatoria do xurado e a adopción de ningún acordo», dixo o portavoz nacionalista.

«En base a este informe no que se afirma o absurdo de que un partido político poida ter a posibilidade de vetar un procedemento de adxudicación dun contrato público, desde o BNG instamos ao PP a que abandone a súa practica de bloqueo e defenda o seu posicionamento político ou ben no seo do xurado ou ben fora del coa súa renuncia», dixo Rivas, quen solicitou tamén ao goberno de Suárez que «actúe con responsabilidade e desenvolva os trámites necesarios e regulamentarios para levar adiante este proceso e abandone a dinámica de declaracións sen fundamento e basee o seu traballo no rigor, e co fin de enfrontar máis aló das palabras a política do PP».