Galicia Ártabra Digital Noticias de Ferrol y la comarca de Ferrolterra.
A parroquia de San Xiao, en Narón, acollerá o vindeiro 9 de xullo unha sardiñada organizada pola Asociación de Veciños Ceibe San Xiao e o Concello .
A cita festiva comezará ás 21.30 horas na pista polideportiva, xunto ao local social, e os asistentes terán a oportunidade de degustar sardiñas e bolos preñados, debendo pagar 3 euros os socios e 8 o resto de asistentes.
A edil de Cultura, Marián Ferreiro, anunciou que o apartado musical desta convocatoria correrá a cargo de Milladoiro, recoñecido grupo de música folk e celta que amenizará esa noite na citada parroquia naronesa cun concerto que será de balde.
A concelleira naronesa agracedeu a colaboración da entidade veciñal da parroquia para convocar novamente esta sardiñada popular en San Xiao, donde se realizou outros anos e que se enmarca no programa de actividades que en colaboración co Concello se programan ao longo do ano nas parroquias e barrios de Narón xunto coas distintas entidades veciñais.
