Galicia Ártabra Digital Noticias de Ferrol y la comarca de Ferrolterra.
O Pazo da Cultura de Narón acollerá este domingo 12 a última das actividades do programa de actuacións das Escolas do Padroado da Cultura de Narón para o curso 2015-2016. Serán os alumnos da Escola de Baile de Salón os protagonistas da xornada, que consistirá nun festival no que participarán 278 persoas de todas as idades (a partir de 4 anos). O primeiro pase será ás 17 horas e o segundo comezará ás 19:30, sendo preciso adquirir entradas na taquilla do Pazo, a un prezo de dous euros, para poder asistir.
Bailes latinos e bailes estándar son as modalidades nas que participará o alumnado da Escola de Baile de Salón de Narón. O centro é o que máis licenzas ten en España e contra entre os seus alumnos con parellas campionas e subcampionas galegas e de España de Bailes Latinos, ademáis de campións galegos e de España nas categorías Xuvenil e Junior de Danza Coreográfica.
O festival deste domingo porá o broche final ao traballo realizado polos rapaces e rapazas que asistiron no curso 2015-2016 á Escola de Baile de Salón do Padroado da Cultura, protagonistas tamén das actuacións desenvolvidas nos últimos meses en varios eventos celebrados en Narón e noutros concellos da zona.
