Afloran as discrepancias no grupo de goberno de Ares

No pleno do día deste luns disparáronse en Ares as alarmas por mor da discrepancia no grupo de goberno -PSOE-NAL-SON- até o punto de que o alcalde decidíu retirar da orde do día un tema polémico; a aprobación da Relación de Postos de Traballo. Un tema que foi «mal parido» dende o principio. A súa aprobación inicial foi feita cunha corporación en funcións e vai dirixida sobre todo a «acomodar» as contratacións a dedo que realizou o goberno do PSOE nos oito anos anteriores, ademáis de que non contar coa aprobación do personal funcionario, e que rexistra erros de calado como suliñou o secretario no seu informe. e coma informa o BNG aresán.

Aínda así, o portavoz de NAL pretendía tirar para adiante e celebrar a votación, feito que non foi posible ao decatarse o alcalde de que a súa aprobación non cumpriría, ao haber un novo documento presentado por rexistro o pasado venres, que non foi ditaminado pola respectiva comisión informativa e ao carecer dun novo informe do Secretario-Interventor.

Este detalle evidencia unha falta total de comuniciación e acordo entre os distintos membros do goberno local, que o mesmo alcalde recoñeceu ao manifestar no pleno que el non ten culpa de que mande unha cousa e que non lle fagan caso e reflexionou en voz alta a posibilidade de «a partir de ahora, tendré que pasar las cosas por registro para que quede constancia de lo que mandé hacer» , en clara alusión non só ao Concelleiro de Personal; Luís Cendán, voceiro de NAL, senón tamén a membros do seu propio partido.

No que tampouco se puxeron de acordo Julio Iglesias e Luís Cendán foi noutro punto da orde do día, ao respecto da acomodación do personal subrogado de Viaqua, xa que Luís Cendán facía alusión a un informe do Secretario ao respecto dos plazos para a acomodación do persoal -de 6 meses- mentres que o alcalde manifestaba que non había tales plazos. A pesar disto o punto foi aprobado polos votos a favor de PSOE-NAL e SON, logo de 2 anos e 6 meses transcurridos dende a subrogación do servizo de augas. Na mesa de negociación os representantes dos traballadores anunciaron que pleitearán para defender os dereitos dos traballadores afectados.

O BNG denuncia un total abandono de organización e de planificación municipal e un malestar máis que evidente por parte dos traballadores, «esto son os froitos dos pactos por interés personal, feitos de costas á veciñanza» , manifestou o voceiro do BNG, Emilio Mesías.