Galicia Ártabra Digital Noticias de Ferrol y la comarca de Ferrolterra.
Os actores Fernando Tejero, Malena e Ernesto Alterio, Enric Benavent e Adriana Ozores integran o elenco da obra Atchúuusss!, que a compañía Lázaro Producciones traerá este sábado 4 de xuño, ás 20 horas, ao Pazo da Cultura. Esta comedia dunhas dúas horas, dirixida ao público adulto, na que por primeira vez se suben ao escenario xuntos os irmáns Alterio, é do autor ruso Antón Chéjov. Os cinco actores interpretarán diferentes personaxes nunha historia na que os sentimentos e o humor farán gozar aos espectadores desde os primeiros minutos.
As últimas entradas poden adquirirse aínda na taquilla do Pazo da Cultura, a un prezo de 18 euros para o público en xeral e de 12,60 para abonados, persoas con carné xove ou de estudante (ata 25 anos) e desempregados..
