Alumnos do CPI o Feal e da Asociación Nosa Señora de Chamorro visitaron o Concello de Narón

O alcalde de Narón, José Manuel Blanco, recibiu esta mañá dúas novas visitas de alumnado do municipio no salón de plenos. A primeira, ás 10 horas, foi dun grupo de vinte e cinco estudantes de sexto curso de Primaria do CPI do Feal e a continuación, sobre as 11 horas, chegaron dezasete rapaces e rapazas da Asociación Nosa Señora de Chamorro.

Todos os visitantes recibiron unha serie de explicacións sobre o Concello e o funcionamento da administración local e tiveron a oportunidade de conversar co alcalde, que respostou a cantas preguntas lle formularon os representantes de ambos centros.

Como recordo da súa visita ao Concello naronés todos eles recibiron un agasallo institucional.