O BNG de Ferrol insta ao Concello a adoptar medidas polos traballadores de Porta Nova

O Bloque Nacionalista Galego de Ferrol, ante a situación «recurrente e limite na que se atopan os traballadores dependentes da concesionaria do aparcadoiro de Porta Nova», demandou esta mañá na comisión de Facenda ao goberno municipal que proceda a iniciar a resolución do contrato que mantén coa empresa PortaNova Park para a xestión do aparcadoiro do centro comercial de Porta Nova, así como que desenvolva unha inspección nas instalacións «de maneira inmediata para poder iniciar o procedemento para a resolución do contrato».

Os nacionalistas sinalaron así «a falla de mantemento das instalacións e a non prestación do servizo tal e como está a acontecer no momento actual é causa suficiente para que o Concello proceda a resolución da contrato», demandando por ello ao goberno de Suárez a «adoptar estas decisións de maneira inmediata e que concerte unha reunión entre os traballadores, a empresa e o Concello co fin de dar unha solución definitiva á situación límite na que se atopan os traballadores dependentes desta concesión e que levan máis de catro meses denunciando está situación mentres permanecen sen cobrar».