Galicia Ártabra Digital Noticias de Ferrol y la comarca de Ferrolterra.
O poeta e contacontos galego Celso F. Sanmartín será o protagonista do monólogo Contar, o terceiro que se desenvolverá este mes no Pazo da Cultura con cargo ao Festival do Monólogo Teatral Singular, impulsado polo Padroado da Cultura do Concello de Narón e a produtora Eme2. O espectáculo comezará este venres ás 20:30 horas e terá unha duración duns noventa minutos.
O monólogo Contar permitirá ao público gozar das historias de Sanmartín, cuxo éxito profesional está avalado coa publicación de varias obras poéticas propias desde a década dos anos 90 e a participación noutras de carácter colectivo e tamén de recoñecida sona, entre outros traballos.
As entradas xa á venta na taquilla do Pazo e teñen un prezo de 9,50 euros para o público en xeral e de 6,65 para abonados, persoas con carné xove ou de estudante (ata 25 anos) e desempregados.
