Carlos Outeiro Baamonde, eleito como responsábel local do BNG de Ferrol

O Bloque Nacionalista Galego de Ferrol procedeu o pasado martes a renovar a súa dirección local nunha asemblea, un proceso enmarcado na XV Asemblea Nacional da formación e do que saiu eleito como responsábel local Carlos Outeiro Baamonde.

Ademais de Outeiro, o novo Consello Local do BNG estara formado por Roberto Montero (Vice-Responsábel), Eva Espiñeira, Iván Rivas, Dolores Prieto, Ramón Fernández, Xoán Xosé Lourenzo, Pedro Fernández, Luisa Sánchez, Ladislau Rodríguez, Elia Rico, Miguel Anjo González, Iolanda Gómis.

Desde o BNG sinalaron que «co impulso da recente Asemblea Nacional, en breve abriremos à sociedade o proceso de refundación, de adaptación da organización ás necesidades actuais do obxectivo de sempre, sermos útiles a Galiza».

Nesta asemblea, tamén se analizaron as liñas de traballo que o BNG vai desenvolver a nível local nos vindeiros meses e resaltouse a importancia política do traballo do BNG, resaltando que os debates sobre os problemas estruturais da localidade están presentes cando son formulados pola organización nacionalista.