Corenta prazas disponibles para a próxima andaina «Ponte en ruta con nós»

Un cento de persoas confirmaron a súa asistencia á próxima andaina do programa do Concello de Narón Ponte en ruta con nós, que discurrirá entre as praias de Santa Comba, en Ferrol; e de Campelo, en Valdoviño, o vindeiro día 21.

O edil de Deportes do municipio, Román Romero, animou aos veciños a participar nesta convocatoria recordando que hai corenta vacantes, sendo 140 o máximo de participantes. As persoas interesadas en asistir dispoñen ata o día 17 de febreiro de prazo para anotarse, un trámite que deben realizar no pavillón polideportivo da Gándara de luns a xoves, en horario de 9 a 13 horas e de 16:30 a 18:30 horas, e os venres de 9 a 13 horas. O prezo por participante é de tres euros, cantidade na que se inclúen gastos de desprazamento en autobus ata o punto de inicio da ruta e un avituallamento.

Os participantes realizarán un percorrido duns once quilómetros. A saída será do pavillón polideportivo da Gándara, desde donde un autobús levará aos camiñantes ata o punto de saída da ruta, no areal de Santa Comba e tamén os levará de regreso desde a praia de Campelo ata o pavillón polideportivo da Gándara unha vez remate a andaina.