Galicia Ártabra Digital Noticias de Ferrol y la comarca de Ferrolterra.
«O Grupo Municipal Socialista-sinala nun comunicado- que interesouse na comisión de urbanismo de este mércores, día 27, unha vez máis pola contratación do servizo de recollida de residuos e de limpeza viaria da cidade que alertan, o contrato actualmente en vigor, remata en 4 meses.
Ante a falla de resposta do goberno, que deixa patente a súa improvisación, a concelleira María López ven a instar de novo ao goberno local a contratar o devandito servizo, así como consensualo con toda a corporación, máis cando se trata dun contrato que abarcará máis dun mandato. Alertan tamén que o vencemento do mesmo provocará que, como no resto de servizos que se están a prestar sen contrato, teñan que estarse convalidando continuamente facturas nun procedemento irregular, e que supón ademais un maior gasto para as arcas municipais.
“Dada a falta de reacción do goberno local na resolución destes temas, urximos a abordar a licitación dun contrato que, polo seu volume e importancia, levará un tempo importante contratar”, manifestando ademais que “xa chegamos tarde, dado que faltan 4 meses para que venza o que está actualmente en vigor.”
Ademais lembran que o goberno local firmou no 2012 un contrato para o diagnóstico da situación actual do modelo de recollida de residuos e limpeza viaria no noso concello, que consideran innecesario xa que no 2011 o concello realizou un estudo para introducir melloras neste servizo, entre elas a implantación da carga lateral en distintos barrios da cidade, ao final do mandato socialista. O Grupo Socialista pediu as conclusións deste informe en numerosas ocasións, dende fai meses, e denuncian a falla de transparencia do goberno, xa que non se lles facilita a devandita información.
Contenerización subterránea
Nesta materia, a edil socialista pediu tamén a estensión da contenerización subterránea nos distintos barrios da cidade, aproveitando as obras e as actuacións novas que se están a realizar. Destacan que entre os beneficios deste tipo de contenedores atópase a recuperación de espazos para a cidadanía, unha mellor limpeza e mantemento, así como un maior respecto polo medio ambiente. Dado que non necesita recollidas diarias, tamén permite que parte do persoal adicado á recollida de lixo inicialmente pase a reforzar o servizo de limpeza viaria. Cuestións todas elas, que a concelleira socialista entende que teñen que aparecer reflectidos na vindeira contratación.
Así mesmo, María López tamén solicitou información sobre o volume de recollida de aceite usado na cidade, sendo este outro dos asuntos referidos á xestión sostible dos residuos. A este respecto, manifestou que “este é outro claro exemplo do desinterese do goberno local por temas de gran calado no que respecta ás políticas medioambientais e de servizos. A recollida dos aceites domésticos usados que se puxo en marcha no anterior mandato socialista é un modelo de xestión que o goberno local ten totalmente abandonado, polo que queremos coñecer o volume de recollida actual.” Tamén alertaron de deficiencias do servizo actual, poñendo de exemplo o contenedor existente na rúa de Sartaña, que se desborda continuamente. Lembran que no anterior goberno socialista estendeuse diferentes contenedores de aceites domésticos usados nas comunidades de propietarios que así o requeriran, colexios, e asociacións de veciños, e que a previsión era seguir nesta liña.
Abandono dos parques e paseos
Noutro orde de cousas, o Grupo Municipal Socialista reitera o abandono dos parques e paseos municipais, que atópanse nun estado deplorable e que é consecuencia directa do “aforro” no contrato do servizo de mantemento de zonas verdes da cidade. Así, por citar algunhas zonas que se atopan cheas de maleza e cun mantemento moi deficiente, tamén do seu mobiliario urbano, destacaron o parque Pablo Iglesias, a entrada e saída da cidade na Avenida de As Pías, ou sendos paseos municipais.
