O BNG esixe a reparación da pasarela peatonil sobre a vía do tren en Santa Mariña

O Bloque Nacionalista Galego de Ferrol,-sinala nunha nota remitida aos medios de comunicación- à vista da resposta ofrecida por ADIF ao noso grupo, na que recoñece a propiedade municipal da pasarela peonil sobre a vía que serve de conexión entre o ensanche A e Santa Mariña esixe ao alcalde da cidade que actúe de xeito imediato sobre a mesma para garantir a seguridade e mellora da mesma.

Para o BNG resulta incomprensíbel a negativa do goberno municipal de Ferrol a executar o proxecto que elaborou en setembro do ano pasado e que conta co informe favorábel de ADIF para mellorar esta pasarela propiedade municipal. Concretamente ADIF indica na súa resposta que “En setembro do 2013 o Concello de Ferrol desenvolveu un Estudio previo de Nova pasarela peonil, conexión ensanche A-Santa Mariña, propiedade do Concello, ao que ADIF informou positivamente”

O BNG sostén que os datos que reflicte a resposta de ADIF evidencia a falla de preocupación do goberno municipal por mellorar esta e esixen coñecer os motivos polos que este proxecto no foi desenvolto à vista do lamentábel estado desta pasarela. Asi mesmo volve a esixir ao goberno local que resolva inmediatamente os continuos problemas que sofren os veciños do lugar do Loureiro e O Casquido polos escorrementos de terra.

O BNG lembra que ven reclamando do goberno municipal que proceda a actuar con urxencia nas zonas de Santa Mariña máis deterioradas e indica que existen zonas do barrio cuxo estado actúal é bastante perigoso, como o caso do lugar dos loureiros, xa que en moitos tramos o firme comezou a ceder e mesmo existen riscos de desprendementos de terra no talude paralelo á vía do ferrocarril.

O BNG quere que se proceda a consolidar esta vía mediante a prolongación do muro de contención existente e que remata, a día de hoxe, na rúa loureiro e que chegue até a conclusión da rúa Cardosas e que estas obras se acometan de modo inmediato polo que deben concretarse as xestións e actuacións a desenvolver coordenadamente entre o Concello e ADIF.»