Fotografías e fiandeiras

Con motivo das Letras Galegas as fiandeiras de Cabanas Rural visten os traxes de faena o vindeiro 17 de Maio en Lavandeira.

As fiandeiras, un grupo de 31 mulleres, acompañadas dun artesán e dous nenos, vestirán os traxes de faena e poñeranse á traballar a lá: escarpizando, cardando, fiando, bolillando, calcetando, bordando… e aqueles que o desexen poderán probar e aprender un chisco de fiado. Disfrutando dunha tarde adicada a unha labor milenaria convertida nunha arte a través das mans de aquelas persoas que a rescataron do seu esquecemento.

As fotografías tamén serán protagonistas deste Dia das Letras Galegas, despois de 6 anos no que recolléronse 600 instantáneas en branco e negro, tamén poderán ser contempladas por tódolos visitantes.

A escola de Lavandeira  (Lavandeira, 15 – 15612 Cabanas A Coruña) estará aberta o sábado 17 de Maio entre as 16:30 até as 19:00 horas.