O BNG realiza unha valoración negativa do programa dos festexos de verán

O Bloque Nacionalista Galego de Ferrol realizou unha valoración negativa do programa de festexos de verán.

Mediante un comunicado  sinala que «desde o BNG cremos que as festas debían servir de escaparate da nosa cultura, da expresión artística e da creatividade dos galegos e das galegas e estas non poden estar desaparecidas das nosas festas.

 Desde o BNG cuestionamos a desaparición de calquera tipo de manifestación artística galega e en galego e non só as referidas á musica tradicional. Unha cuestión recorrente que apunta a un modelo de xestión en materia cultural acomplexado que pretende negar a nosa realidade e as nosas capacidades de expresión artística.

 Desde o BNG constatamos que desde a entrada do PP no Goberno municipal, todas as manifestacións artísticas e culturais que se vehiculizan en lingua galega que se corresponden con grupos do país están sendo marxinadas do programa do Concello de Ferrol. En Galiza temos un tecido cultural rico e diverso no que existen grupos e artistas de grande calidade, con prestixio recoñecido mundialmente, non só no ámbito da música folc ou celta, senón tamén noutros estilos como a musica clásica e outros ambitos que non se teñen en conta para a súa participación nas festas.

 Para o BNG este feito é preocupante polo que significa de negación do propio e do País, pero tamén pola falta de apoio ás artes escénicas e musicais de Galiza é tamén a falta de apoio á creación de riqueza que reverte neste País. Cremos que a língua e a cultura propias son un valor e o Concello como institución ten que axudar a promovelas.

 A esto hai que sumarlle a decisión de contratar a unha empresa que nada ten que ver coa nosa realidade para a elaboración dos conteudos das festas para os dous próximos anos o que acentuará todavía máis esta tendencia a marxinar a nosa capacidade de producción artística, e o gasto derivado do acondicionamento do Sánchez Aguilera para a celebración destes eventos cando este espazo permanece no máis absoluto abandono por parte da administración local e central.

 Estas decisións demostran que desde o Goberno Municipal continúase a minusvalorar a nosa produción artística co obxectivo de anular a nosa capacidade de expresión propia. Cremos, desde o BNG, que as festas deberían servir como mecanismo de promoción e desenvolvemento deste sector en Galiza e as administracións teñen a obriga de alentar estes obxectivos e non irmos constantemente a ambitos foráneos que non teñen vínculos de ningún tipo co tecido cultural galego co fin de axudar ao seu crecemento.»