Galicia Ártabra Digital Noticias de Ferrol y la comarca de Ferrolterra.
O Grupo Municipal Socialista, a través do seu concelleiro Jaime Pena, defende a profesionalización do servizo de socorrismo, que levouse a cabo no anterior mandato, e que o Grupo Socialista ven de requirir ao goberno local dende a chegada ao goberno.
Neste senso, os socialistas entenden que o método de xestión axeitado para este servizo público, é a profesionalización do servizo, para que quenes se xogan a vida na tempada de verán protexendo a seguridade da cidadanía que se achega aos areais ferrolás, poidan facelo cun contrato de traballo e cotización á seguridade social, como corresponde, poñendo en valor o traballo realizado; en contraposición coa forma de proceder do goberno local.
Así, o concelleiro socialista manifesta que os últimos acontecementos demostran que a fórmula máis axeitada e transparente, é a contratación pública do servizo, mediante negociado con publicidade.
“Cuestión que non so pensamos nosoutros, curiosamente tamén considera axeitado este procedemento a Unión Europea, considerándoo como un requisito para a obtención dos distintivos europeos de bandeiras azuis”.
Así mesmo, o Grupo Municipal Socialista desmente que o goberno local aforrase coa súa forma de proceder. Jaime Pena manifesta que o goberno local non aforrou cartos públicos para dar o servizo de prevención e salvamento nas praias do Concello de Ferrol. Neste senso, os e as socialistas lembran que no goberno anterior o servizo de socorrismo tiña unha duración continuada na tempada de verán, servizo prorrogado a maiores nos casos nos que se mantivera o bo tempo, e cun maior número de profesionais.
En contraposición, o “suposto” aforro do goberno local tradúcese nunha menor calidade do servizo, cunha menor prestación e duración do mesmo: dous meses fronte aos tres meses e medio do anterior mandato, e con menos persoal.
Finalmente, os socialistas lembran que propuxéronlle ao goberno local fai meses un plan de xestión integral dos areais, que contempla melloras nos servizos prestados, conxugando promoción e seguridade dos areais, e que segue sobre a mesa.
