Galicia Ártabra Noticias de Ferrol y la comarca de Ferrolterra.
O Concello de Neda quere manifestar o seu máis profundo pesar polo dramático accidente ferroviario acontecido nas inmediacións de Santiago de Compostela.
Quere transmitir a solidariedade da Real Vila aos familiares das vítimas e trasladar todo o apoio aos feridos e ás súas familias.
Do mesmo xeito, dende Neda quérese agradecer a dedicación e o esforzo tanto dos profesionais sanitarios e de emerxencias como dos voluntarios que socorreron ás vítimas, aos que doaron sangue e aos que acudiron á zona do sinistro para ofrecer a súa axuda.
Infórmase tamén que o Concello de Neda decretou sete días de loito oficial, suspensión dos actos programados e as bandeiras ondean a media asta como homenaxe aos falecidos no accidente.
Por último, o alcalde, Ignacio Cabezón Lorenzo, quere facer un chamamento á cidadanía para que acuda este venres, ás 12 horas, á praza da Casa do Concello e secunde a concentración silenciosa de cinco minutos en lembranza das vítimas e mostra de duelo.
