Os estudantes do colexio Maciñeira de Neda participaron nunha visita guiada á Biblioteca

Un total de 41 estudantes do colexio público Maciñeira de Neda dos cursos de 1º e 4º participaron esta mañá nunha visita guiada á Biblioteca Municipal. A actividade incluíu un taller de elaboración de marcapáxinas, un percorrido polas instalacións e unha sesión de contacontos. O obxetivo: fomentar o hábito da lectura entre os escolares e gañar novos socios e socias para a Biblioteca.

A actividade foi promovida pola Biblioteca do propio centro educativo en colaboración co departamento municipal de Cultura e Educación. Así mesmo, esta acción terá continuidade o próximo xoves e, nesa ocasión, participará un grupo de 35 alumnos e alumnas de 5º e 6º de Primaria do mesmo centro.

Esta mañá, e rematando a actividade, o persoal da Biblioteca invitou ao alumnado a facerse socio do centro e, en próximas datas, a Biblioteca programará una sesión de contacontos na que fará entrega dos correspondentes carnets.