Galicia Ártabra Noticias de Ferrol y la comarca de Ferrolterra.
As entradas están xa á venda na billeteira do Teatro Jofre e en Ataquilla desde oito euros.
O artista Depedro ofrece un concerto no teatro Jofre este sábado 10 de outubro, ás 20:30 horas. Trátase dunha sesión íntima cos grandes éxitos que marcaron a súa traxectoria, a vísperas da publicación do seu novo álbum Furia y Calma.
Jairo Zavala, coñecido como Depedro, é o artista detrás dun proxecto musical ecléctico que ama a música en todas as súas raíces, como volve a demostrar no seu último álbum, Un lugar perfecto.
Jairo Zavala naceu en Madrid en 1973, onde viviu ente Aluche e Carabanchel ata os 17 anos, nun ambiente familiar no que se apreciaba a música. Foi ao colexio Parque Aluche e despois estudou no Instituto Blas de Otero. Aprendeu a tocar a guitarra de maneira autodidacta e xunto con Javier Vacas fundou o grupo La Vacazul, co que chegou a gravar cinco discos.
A partir de aí, comezou a profesionalizarse, tocando con ata cinco o seis grupos á vez. Nesta época tocou nas bandas de varios programas de televisión, como a de El Club de la Comedia, e gravou como músico de estudo para Amparanoia.
Grazas a Amparo Sánchez, coñeceu o grupo estadounidense Calexico, ao que se integrou e co que realizou varias xiras e gravou varios discos.
Na súa propia música viaxa con naturalidade entre os sons de Latinoamérica, África, o Mediterráneo e Estados Unidos, dando forma a un universo propio que logrou conquistar ao público dentro e fora das nosas fronteiras.
En 2007, Zavala comezou a súa carreira solista como Depedro, co apoio de Vetusta Morla, quenes convidárono a tocar en vivo aquelas cancións que non encaixaban en ningún dos grupos cos que Zavala tocaba entón. En 2017, Jairo Zavala protagonizou o documental Casamance, a banda sonora dunha viaxe, dirixida por Paloma Zapata. Esta road movie musical narra a búsqueda de Lamine Konté, un griot senegalés, e serve como unha carta de amor á rica tradición musical de Senegal.
A través do documental, Zavala explora as raíces culturais e sonoras que influíron na súa carreira, destacando a súa conexión coas músicas do mundo e o seu compromiso coa diversidade cultural.
O concerto de Ferrol chega nun momento significativo para o artista, xa que triunfa co seu último álbum Un lugar perfecto, distinguido en 2025 como Mellor Álbum de Pop/Rock nos Premios da Academia da Música de España e nomeado a Mellor Produción Musical nos Premios MIN, da comezo así a súa nova xira Furia y Calma 2026/2027, un novo traballo discográfico que verá a luz a finais de outubro.
A duración aproximada deste concerto é de 80 minutos, e as entradas poden adquirirse nas billeteiras do Jofre, e na web de Ataquilla.
