Galicia Ártabra Digital Noticias de Ferrol y la comarca de Ferrolterra.
O tenente alcalde de Ferrol, Javier Díaz Mosquera, e o concelleiro de Servizos, José Tomé, reuníronse coa directiva da AVV de Valón ao abeiro do plan de barrios. “Un vernes máis este goberno reúnese cos veciños para escoitar a súas demandas do día a día”, manifestou Díaz Mosquera, e “a nosa responsabilidade é dar unha solución”.
Nesta ocasión a coordinación dos servizos municipais permitiu levar a cabo 12 actuacións de mantemento correctivo e preventivo dende a brigada de mantemento do servizo eléctrico.
Ademais, realizáronse desbroces na estrada principal (4.500 metros), e nos camiños de A Chousa (880 metros), O Cal (846 metros), O Pereiro (798 metros), entre outros, así como nas inmediacións dos local social e do colexio (575 metros).
Así mesmo, realizáronse traballos de limpeza de sumidoiros, colectores e dos lavadoiros de Valón Vello, Mougá, O Pereiro e a fonte de Vilabuide. O servizo de conservación e mantemento de áreas infantís de xogos, áreas biosaludables e de exercicio ao aire libre, executaron labores de limpeza e revisión de xogos no parque do CEIP A Laxe.
O martes comenzarán os traballos na parroquia de San Xurxo.
