Galicia Ártabra Digital Noticias de Ferrol y la comarca de Ferrolterra.
AXF a través dun comunicado expresa o seguinte «este verán tivemos o pracer de participar nos campamentos de Bemantes e Perbes, no municipio de Miño, onde compartimos cos máis pequenos a maxia da Lingua de Signos Española (LSE) e achegámoslles á realidade das persoas xordas».
«Concluímos tamén o proxecto “Xogando coas Mans”, unha experiencia que nos encheu de emocións, aprendizaxes e xestos que falan sen necesidade de palabras».
«Ditas formacións para os máis pequenos foron impartidas por María López Carballeira, a nosa Monitora de Servizos á Comunidade, quen subliña a importancia de achegar a lingua de signos desde idades temperás, xa que os nenos e nenas aprenden con rapidez, pero, sobre todo, porque é unha ferramenta poderosa para fomentar a integración e a empatía desde a infancia» conclúen.
