Club Triatlón Ferrol conta con nove integrantes nas distintas probas do Mundial Multideporte

 

Club Triatlón Ferrol contará con nove integrantes nas distintas probas do Mundial Multideporte que esta fin de semana comeza en Pontevedra.

 

Este domingo a participación ferrolá comezará no Mundial de dúatlon de distancia estándar -10 km de carreira, 39,3 km de ciclismo e 5 km de carreira- con Mario López e Sito Alvite no grupo de idade de 44 a 49 anos.

 

A próxima semana, na máxima categoría, Corentin Lefer disputará o martes o Mundial de tríatlon cros -1 km de natación, 29,5 km de bici de montaña e 7,6 km de campo a través – e o xoves o Mundial de dúatlon cros -5,8 km de carreira, 23,3 km de BTT e 3,2 km de cros-. 

 

E o domingo 29 de xuño, cinco compoñentes do club departamental participarán no Mundial de tríatlon de longa distancia -3 km de natación, 120 km de ciclismo e 30 km de carreira-. Serán Juanchi González no grupo de idade de 50-54, Fran Pérez Vargas en 45-49, Luis Rilo e Chespi Pena en 40-44 e Tom González en 30-34.

 

Ademais, no mesmo circuíto pero sen o último tramo a pé, Chema Eiroa disputará o Mundial de aquabike no grupo de 50 as 54 anos.